東東楠楠~愛回家~

縱壞東東??

joyce_lym — Fri, 23 Oct 2009 15:25:30 +0800

BABA話我縱壞東東, 我邊有縱~ 係佢聰明JA事源: 我攞左D雞柳放廚房等佢溶雪, 東東在廚房睇住我做的. 東東同我出左廚房. BABA走左廚房東東好熱情咁做跟尾貓, 東東以為雞雞食得.
BABA其實係攞小食比佢地2個. 東東一心食雞雞, 見到唔係佢D熱情溶化哂, 走出廚房望住我.
BABA 話我成日比雞雞佢地食, 食到東東見到小食都唔多熱情. 超~~ 你比小食佢咪又係一樣照食.
後話: 東東比我想像聰明. 知道我攞左D雞雞係佢的. 成日都入廚房睇我蒸未.見到未蒸會從廚房走出來, 坐正我前面望住, 跟住會咪咪叫.
平日我煮飯佢會坐垃圾筒睇我煮, 但蒸雞雞佢會好乖咁坐廚房門口等食

教識東東比手手

joyce_lym — Fri, 23 Oct 2009 15:23:19 +0800

東東豬好叻呀, 我間中比小食時順手教佢比手手. 今日佢終於教識比手手啦. 不過呢, 東東只會聽我指令, baba 係咁叫"東東手手" 東東都無理佢.
我見baba 叫"手手"叫左好耐. 我又伸手出來叫"手手", 東東伸手比我. 哈哈哈... 東東抵我咁鍚你
不過呢要東東比手手我, 我一定要有小食在手佢先會理我
至於楠楠呢, 佢仲未識. 或者咁講,佢識不過唔做ja

搜虫記 >> 楠楠

joyce_lym — Fri, 23 Oct 2009 15:22:32 +0800

唔好睇小楠楠成日瞓, 其實佢好保護家園. 細到螞蟻,大到大強都係楠楠最先發現
半夜3更佢baba無開燈在廳上網. 楠楠窗台瞓瞓下, 起身去sofa底"了了"下.
baba 睇下楠楠搞咩野. baba係sofa底見到飛虫!! 原來楠楠想去捉虫.
佢個BABA笨手笨腳去捉虫點知比佢走掉! baba 摩摩楠楠個頭同佢話捉左啦
baba 你估楠楠盲的咩, 佢睇到你根本無捉到! 楠楠無理佢坐在sofa底望到實一實.
楠楠"今晚又要我出手啦~"

怨言

joyce_lym — Fri, 23 Oct 2009 14:19:29 +0800

自問做足本分, 你唔得我頂住.頂到我見底先出聲話頂唔住. 到頭來我得到d咩野. 咪又係個句"個a/c 出左糧同無糧出分分, 你唔明的啦"

我明, 我點會唔明, 我幫你幫到盡. 我現在已經係"個a/c 出左糧同無糧出分分". 仲要比d咁的說話我聽! 真係心淡!! 我真心真意去幫咁又點, 邊個會領我情, 幫忙=應份!!!!

應份的應份的, 邊個應份鍚我, 邊個應份等我生活無憂....我唔介意自己比自己的生活所需, 我唔想我支持住你的生活時仲要聽你的"說話"

無論我做幾多付出幾多.... 都從來無人欣賞....

東東的"飛佛"

joyce_lym — Thu, 24 Sep 2009 10:08:01 +0800

我比士多啤梨東東食 [東東的"飛佛"]. 我知佢食得好知味, 但....佢個食相真係....好可怕~成隻餓鬼咁
飛機耳+ 咪哂眼係咁食. 食得好快, 好似怕有人搶咁. 佢咁瘦又大食, 真係好似一個食唔飽的餓鬼

baba 成日同我爭仔

joyce_lym — Thu, 24 Sep 2009 10:04:46 +0800

星期日早上我例抱東東楠楠入房瞓. 咁東東入被窩, 呢個時候BABA仲出手想抱住我的東東豬! 我當然唔肯! 我用手推返東東過來.
東東比我地左推右推之後, 我地比東東自己選. 結果佢選我的大肶. 乖啦東東.
我一個星期得1,2日早上可以同東東瞓, BABA 咁都想同我爭真係衰呀佢東東BABY係我的啦!

阻住我做瑜伽

joyce_lym — Thu, 24 Sep 2009 10:02:39 +0800

呢2日我在家中瑜伽+玩呼拉圈,家中2位大帝見我左扭右扭, 好似以為我撞邪咁望住我.
我玩呼拉圈時我無留意腳邊係貓樹仔. 我玩玩下BABA大叫"繼續扭, 唔好停. 楠楠企左上貓樹仔, 你個呼拉圈係佢個頭頂轉轉下!!
咁我好小心咁停住. 楠楠當然無整到啦, 仲用頭仔頂我腳. baba 走去抱起楠楠"R佢頭仔話"好彩你個頭仲起到, 你知唔知你差D比你MAMA批左你個頭呀?!"
我無理佢2父子. 轉玩瑜伽, 我跟NDS做, 咁佢係有海浪聲,楠楠好似喜歡. 佢在圍住nds走來走去, 睇下個瑜伽動作[即係阻我睇].
我做動作又係我身邊四維行. 仲要間中用頭仔頂我. 準備向前爬做伸展動作. 佢成隻撻地反肚叫你"R"痕....仔... 你想點...係咪玩野

來讓我跟婆婆走

joyce_lym — Mon, 14 Sep 2009 09:55:00 +0800

那天婆婆上來探東楠, 楠楠同婆婆玩蜻蜓玩到跳高捉, 我都好耐無見過佢跳高玩囉.
我講笑咁話"楠楠你咁鍾意婆婆, 我唔要你啦, 你跟婆婆返屋企啦"點知婆婆走個時, 楠楠居然跟住婆婆尾, 望住個門口想出去添
死仔包, 平日我打開門你一支箭咁跑去窗台, 荒死我掉你出門口咁.今次居然想出去. 係咪咁樣做貓呀, 講吓笑JA, 唔洗咁認真, 真係去婆婆屋企呀

佢地將部notebook 伸左落地!!!

joyce_lym — Wed, 09 Sep 2009 15:50:01 +0800

東東楠楠呢2個反斗星貓 baba打電話來... 佢地將部notebook 伸左落地下
咁橋跌左去水盆+餅碟, 好在佢地差不多飲哂d水, 所以notebook 還健在. 我地部野咁鬼重, 都唔知佢點樣玩到伸落地
baba 問過2隻反斗星貓, 無貓認罪 2個都有份的啦, 不過我估東東多d, 因為佢真係好大力

10年如一日的生活

joyce_lym — Mon, 07 Sep 2009 10:54:45 +0800

星期6無所事事, 回去10年前中學個度周圍下影相. 我一路行一路諗我的生活模式無咩野變化.

以前返學前買即煎三文治做早餐, 間唔中在小食部見到三色貓同佢玩下. 放學去漫畫店租書.

現在返工前買即煎三文治做早餐, 放工去漫畫店租書, 回家同東楠玩玩.

哈哈唔知過多2個10年我係咪到係咁生活呢

鞋盒

joyce_lym — Mon, 07 Sep 2009 10:52:41 +0800

昨日楠楠無有識死, 走去東東個鞋盒度, 我都走去同楠楠話"你咁大胆瞓東東個鞋盒~小心比東東哥哥打鬼你."
結果當然比東東打走佢的啦~ 東東當個鞋盒係寶/床. 慘啦佢個鞋盒有D頂唔住快爛. 到時掉左佢東東一定嬲死死.
唉買個 $150 的貓床唔瞓, 反而瞓個鞋盒玩野~

楠楠: mama 我想玩波波

joyce_lym — Mon, 07 Sep 2009 10:51:30 +0800

東東: 世上只有MAMA好

joyce_lym — Mon, 07 Sep 2009 10:48:42 +0800

東東:唉~ 指意BABA照顧我地真係屎火
昨日我聽到BABA話我個貓碟無餅餅, MAMA叫BABA去加, 跟住MAMA去洗白白. 我見BABA又無加餅喎去左玩電腦
我肚肚有D餓啦. 唉! 叫BABA次次叫幾聲佢都唔會理我.可能佢聾聾地啦我叫到咁大聲都唔理我! 要我咬佢先有反應. 咬佢又會話我
MAMA在家都係叫MAMA好D啦. 我企起廁所門口等下, 聽到無水聲, 在門口"莊"到MAMA的腳. 咁MAMA好快會出來啦
我在門口大叫 "MAMA 我肚餓呀, 快D出來啦". MAMA開門我又大叫"比餅餅", MAMA立即去加餅. MAMA呢個貓奴好洗好用D
但佢地2個一齊回家我會叫BABA先. 跟住先到MAMA. MAMA成日都話"你先歡迎BABA先都唔歡迎我先!! 我唔理你, 你就知死! "
而家我有D信啦

唉~ 好窮

joyce_lym — Fri, 04 Sep 2009 17:11:42 +0800

唉, 好窮, 真係係好鬼窮. 今年真係好窘迫我出來做野咁耐都未試過咁....東東楠楠真係要乖仔d千萬唔好病. 多D去向住門口招財[洗面仔], 唔好搞錯方向呀

執下個blog

joyce_lym — Sat, 29 Aug 2009 10:50:34 +0800

呢個Blog 我都係主要copy 我寫左hkcats 的東楠趣事. 但好似好耐無執靚下佢... 主要係我的電腦技術性問題.... 今日執好左上面張相.

我一路都想改做,要按入去先睇到全文, 我睇左好耐都唔知係邊度攪. 真係想屎